Prilara:Wafra dem abdiizvugalaf arayeem
Azil Sare[va krent betá]
Va mana yoltara va bate abdiizvugalafe sare gildá, nope Mas d'Azil wida koe Franca lize taneafa trasira zo askiyid, voxen batcoba va dojera goxe ronekir larde azil kotavon sotir yanta, i yanta rigotafa remi izvugal is dye yoltayasa va Azilugal wetce drizaks. Acum kle, mancoba tir zvak, cwe. Trakú da azil trogarnack ta kotara yoltara va sare zo gotaruter. Va Masdazil Sare lodamon co dragé... Me ? Va tokcoba trakuc ? Nevatovol (talk) 09:24, 10 January 2019 (UTC)
- Va bata rotisa dojera me obrayá, ae tire. Ovel, Azil Sare kle tir yoltaj. Bandume, tel lokiewaf co tir Mas d'Azil Sare voxen tigira ke stajok is toloyi yoltki me tid kiewaca. Acum, rinafa dragera rotir tir tela lokiewafa. Vaxede artan muxawed, pune va yolt ton Masdazil di rotuwadal. Gu rinafa tienuca grewá. Noton. Angelalux (talk) 14:16, 10 January 2019 (UTC)