Amidaca wal toloya betara va "Hattusa"

Teliz mal Wikipedia.
Contenu supprimé Contenu ajouté
Angelalux (prilara | webekseem)
Aucun résumé des modifications
Angelalux (prilara | webekseem)
Aucun résumé des modifications
Conya 24: Conya 24:
<small>
<small>
</small>
</small>

|style="vertical-align: top;"|
{{Rawopadebakiyelt
|debak = Hattusa
|ewava = Hattusa_Upper_City_Temple_District2.JPG
|pebuda = Rawaxo ke titefa widava
|patectanilt = Flag of Turkey.svg
|patecta = [[Turka]]
|ristulaxo = [[TurkaÇorumWinka|Çorum]]
|ristulaxoinda = Winka
|maneka = 40° 01′ 11" L-, 34° 36′ 55" R-
|welma = 1.64
|araya = [[Hatti]]
}}

Siatos ba 16 balemeaksat 2020 à 21:10

Izva ke wid

Hattusa widap tiyir kelu ke Hatti gindaxo. Rawaks anton wan zavzad, daykes welmon ice 1.64 km² moe datcaxo is arestaxo, voxen savsavaf wid abrotcon ice 2.4 km- tigiyir.

Kayestatason va lava ke jontika voama titnisa va meftafa datca, Hatti saneik va muvak koe pist al suxayad. Arestafe lae ke debak va vegedusik ta malsavera va beti rovegeduni tawovaki al kevvebar, me trumason va sopura va belaf nudazovdom. Sin va tawilazekos dere al senud enide va azekafa welma loote dadiyid.

Mona tiyid kum tawot is rapor dem azekafa kepaita kum bapla is tawa moe intaf trinkeem. Sinaf koak ape tiyir orikackaf kiren abic dilk tiyid. Yasaxopo ke oluikeem tiyid ageltucafe lamoneme tice pistbria von migexakirafa. Wid va jontika onya isu estuxe isu yorida isu olkxe dere bravayar.

Tawadayik vas lok ke Hatti sanelia tadleyed, voxen irubasik ke Hattusa va aryona exava isu eba ksubeyed. Dere tiyid dolekik is sayakik is susik is yoridik is selasik is vageiasik is vukudiasik is dere tawoldopik is rapornyofasik is rogopik is iyekotnyofasik ikz-.

Pelavon gu gindugal, tegirafi tari aotcesi va sane is gertik is gejik is levetirik koe nudeem ke Hattusa ape tariayar. Tawadayik is onasik pis ta dolera va intyon warzeks va widavik sekayad. Vikiz divstis va teyxo is myelgara ke glotcasik is ijera ke sayakik is iera ke vakol kaik monefa venta mopleweyed ise va tena ke koyara pu dolekik artlapis moe astolam vajayan gu doleks dakteyed.

Volnik ke Hatti saneik domus va Hattusa ton lediliodafa xialara gan trumindeem ke widava ape zo fidwayad. Ontinaf tawotaf migexeem dem vamoeon granafa raporafa rebava va wid abrotcon ice 6 km- koanamayar. Lana elega vas raporkacka vektayad eke enekef worasik rofoliyid da wid gan gulik zo kolnayar. Abrotcaf berlot suxayan levo rebavega noveyer da rojusik ke debak roboleyed.

Tuvel ke wid gan veyadokiraf rasek isu krast zo suyud. Lokiewon videyen tuvel tid telyon ke vageeon ontinaf gabot. Kot gu fetinte balumayane ton gulindafe de zo yunkeyer, i ton vegedura kum granafa is mevexafa elega do lopinafi raporki koe waledarka. Krapolik tuvel tiyir wale toloy krapolik ( vey misrafa vundopa ) isen Krapol tuvel tiyir wale toloy jaktolies snavol djuprowelves div raporafa buraga. Balumaks ke Gazik tuvel tiyir tel lolistaf : dem jotaf gejik trelon krujakiraf is diskis va opafa atsa is plotes va ervokufta. Kudja re rowina moe wirda tir ksudaks ke xanto tigiso koe tcilaxe ke Ankara.

Geef tuvel va belca dem dopewa is lamone is dere yona lomorafa mona vansayad. Titeon ralma yoltkirafa gu « widaki » tice pistbria tigiyir : va gazafa berma dem lupaxa is brivaxo ruldayar. Dopewapa katiteon tigisa va xuta ta jorapa ke Hatti sane ape zanudayar.

Dere rupec

Vuestexa

Hattusa
Rawopaf debak
Rawaxo ke titefa widava
DEBALA
Patecta Turka       
Winka Çorum
Maneka  40° 01′ 11" L-, 34° 36′ 55" R-
KIRA
Araya Hatti
  Tuveli icde Izvopa