Zanzibar (widava)

Teliz mal Wikipedia.

Zanzibar tir widavapa ke Tanzania, koe Zanzibar ewala koe India Welfa kabdue krimta ke tadavafa patecta. To ristus widot ke Unguja Mjini Magharibi Gola.

Izva[betara | va krent betá]

Izva ke bata widava, ixam grupena gan yon totasik ke Abdiugal isu koyasik, tison kelu do tela ke intafa ewala ke India welfa kagluyawer. Zanzibar, kereleyenon mali IX-eafa decemda gan arabik, di tiyir digiks ke nafalik ke Kilwa kali tena ke XVI-eafa decemda ugale portugalik va krimta ke Ronefa Afrika kallapiyid. Ta ruyera va felira va gola, Umana Sultan gazik bak XVII-eafa decemda va int koon inkeyer. Bak 1890 vanpiyir britafa nendareba.

Stone TownRaporafa widava ), i guazafa izvafa revava ke Zanzibar den vexala dem Tamavafa Gadakiewega ke UNESCO bak 2000 zo pulayar.

Skapa[betara | va krent betá]

Zanzibar tuke wulakazara is levetirikbutcara va kuluca is kaliafa divlizera daneyer. Va int betayanon van divburera va luminda is onara, Zanzibar va arabafa adalapa re atoer ise va jontika savsafa kolna digir.

Vegedunaf moe bargentimafa degama, dem keneon mustaf biraludevap, tir tegirapaf kazaf is remdolekaraf molt. Nelkafo skapaxo ke ewalafa Tanzania, widava tir xo dem rabama ( solpaxe va lumindapunta is pieda is kabayagaeziaxe ikz- ). Karolapano koyutarulaxo, Zanzibar va severoxo vieleon konakviele kagluyaso va Dar es-Salaam dadir.

Afigasuteks[betara | va krent betá]

Korobik tikis vas Zanzibar[betara | va krent betá]

Zanzibar
RISTULA
Patecta Tanzania  
Gola Unguja Mjini Magharibi Gola
SANELIOPA
Sanelia 205 870 ir- (2002)
TAWAVOPA
Maneka  6°09′ G-, 39°12′ R-
Ontine 0 m-
LAPIRA, LIZIBA
Bira, kuksa
Rid
Kelot
Vawa
Carte
Tigixo ke Zanzibar


  Widava ke Tanzania 
ArushaDar es-SalaamDodomaIringaKigomaMbeyaMorogoroMoshiMtwaraMusomaMwanzaShinyangaSongeaTaboraTangaZanzibar