Kere is Ebelte (suterot)

Teliz mal Wikipedia.
Kere is Ebelte

Moron xantakiraf, Julien Sorel wetce tavesik den Rênal W-ya zo seger. Va battel patavason brostar. Kivason va bilitara, ko Paris mallapir. Va Mathilde, i va nazbeikya ke intaf nendasik, batlize renalevrotir, aze va eresklafa kagrupera pokoleyena gan intafa bitonuca seotar. Rênal W-ya wetce skujesik va in ranker : yatkaf Julien Sorel va in westar. Koe flint abdi vrivara va koefi dili anton grivuteter.

Ta sutera va bata ugalda va 1830 malgrupeson va mi, Stendhal va lingera va selt bak « Dimplekurugal » ( winkaf oluikeem is yona ujafa anameda is yon parisaf rijay ) ponar, va selt vimtas va yona fa lize rietaveem ke artowarafa is napoleonafa rekola mea dilizer.

Dere rupel

  • Stendhal : Francavaf suterotik ( 1783-1842 )
Kere is Ebelte
XANTO
Vergumvelt Le Rouge et le Noir
Sutesik Stendhal
Ava Francava
Suterotinda Berpot
Evla 1830
betara teza
  Tuveli icde Suteroteem 
Kere is Ebelte, Piskura ke 1831
Kere is Ebelte, Piskura ke 1831