Amidaca wal toloya betara va "Alfonsina Storni"

Teliz mal Wikipedia.
Contenu supprimé Contenu ajouté
Curacaví Marisel (prilara | webekseem)
Aucun résumé des modifications
Curacaví Marisel (prilara | webekseem)
Aucun résumé des modifications
Conya 27: Conya 27:


Storni va konaka rumeikafa neva dere suteyer : "Blanco...Negro...Blanco" is "Pedro y Pedrito" is "Jorge y su Conciencia" is "Un sueño en el camino" is "Los degolladores de estatatuas" is "El Dios de los pájaros". Tiyid buskafa wenyaxama dem danka is stute.
Storni va konaka rumeikafa neva dere suteyer : "Blanco...Negro...Blanco" is "Pedro y Pedrito" is "Jorge y su Conciencia" is "Un sueño en el camino" is "Los degolladores de estatatuas" is "El Dios de los pájaros". Tiyid buskafa wenyaxama dem danka is stute.

=== Diref suteks ===
Arti anyustdafa nona ke ezlasa sanegara, Storni bak 1934 va ''El mundo de siete pozos'' ( ''Tamava dem peroy lird'' ) sanegar. Bat ezlak az ''Mascarilla y trébol'' ban bak 1938 va pelava ke inafa ezlopafa bagalara tcalad.


== Dere rupec ==
== Dere rupec ==

Siatos ba 20 teveaksat 2020 à 16:13

Bat teliz tir remgudaks icde watsa vas zolonikya.
Nume di zo gotukotrar. Rinafa givasa ik sutelasa pomara di zo karolapar.
Alfonsina Storni
1892-1938
Argentinaf ezlopik

Alfonsina Storni tiyir argentinafa ezlopikya ke witevaf lizor.

Blirizva

Rumeugal

Ini ba 29/05/1892 koe widavama ke Sala Capriasca koe Swiza koblir. Gadikeem tiyir vey italiaswizafa xanta. Vomi inafa koblira, gadikye va ekotiaxe koe San Juan koe Argentina al inkeyer. Bak 1891 nope gales uum do kurenya ko Swiza ugaloron dimlapir. Alfonsina koeon diretandon koblir aze kali balemda di blir. Bak 1896 yasa ko San Juan dimlapir aze va Rosario bak 1901 koirubar. Banlize gadikye va zazda koinker.

Alfonsina Storni va taneafa ezla moni santolda suter aze dun askir. Dene olda toz vayar voxen gadikye ba 1906 awalker nume ini pomoyatason va blidara ke yasa koe edjiiaxe gokobar.

Bak 1907 dulapera va stute jupar da ina va avlotcafa wenyafa lospa denfir nume koo varafa patecta di koyar. Va wenyaxa ke Ibsen isu Pérez Galdós isu Florencio Sánchez zirser. Bak 1909 ko Coronda lapir lize vayar enide di vanpir tavesik koe tawadayafa bema. Milugale mu Mundo Rosarino lizukafa virda isu Monos y Monadas isu targafa Mundo Argentino toz kobar.

Bak 1912 va Buenos Aires koirubar, aneyason va ayoltuca ke widavapa. Va kurene ayikye rungruper ise ve korenar, i va ayikye pimtatane gu « dulapaf korik plekovkiraf dene doda. Tiyir gaderopuson tegis... ». Bak mil ilanacek, va warzaf berpotam ko Fray Mocho virda sanegar. Ba tolsanda, kosmar da nope felusik nazber aze vanpir kaelafa gadikya. Va felura is tavera koe Buenos Aires blidar, lize seltafa is skapafa arga ke laumasa mialukafa pula ke Argentina va lolo sayudasik va ayikyaf rokeem koswad.

Suterotafa klepa

Alfonsina Storni tiyir tana taneafa ayikya tcedeyesa va ind ke suteroteem is wenya koe Argentina, i va ind felin gan ayikye : nopeon va tanafa is tciamafa puda al voner, i va puda dikisa va pilkovafa zolonuca dene latinamerikafa ezlopa. Kore nope ezlaf grabomeem zo grupecker, soe dere veduyur ise wenyuyur. Storni jontikviele kevudason al trakurayur. Va jontike gedrapafe detce don gaderopa ik ikrayorda ik solkatcara va ayikya gimalyopayar. Banugale inaf grabomeem gu kon lizorack oku oxi va int me emaveyer. Oxam to viele witevaf lizor is abdilizor toz vreparleweyed pune nukevfiyir. Ini icde meordaf martig zo malyopayar ise wetce direwitevaf suterotik loviele zo kralayar.

Alfonsina Storni va konak taneaf grabom bak 1916 koe La Nota suterotafa virda sanegar. Nekev skaparga va La Inquietud del rosal ezlak sanegar aze mu Caras y Caretas virda toz suter, kobason wetce unenik koe doltaxe. Kore taneafa ezla ke Storni re tid ke telyona logrupena is lokarolana, banugale gan lanyone milsareikye dum Jorge Luis Borges is Eduardo Gonzalez Lanuza olgon zo malyopayad. Ikrarenuca is ayikyevafa watsa ke inyon suteks tiyid kevudas uum koe ezlopa ke bane sare, voxen mana rontifa sutera icde ayikyuca tiyir tana inafa lozolonafa tuwarzara wetce ezlopik.

Lomantafa kagrupera

Koe suterotafa anameda ke Buenos Aires kalion laumasa, Storni va aryon suterotik dum José Enrique Rodó is Amado Nervo boreon rungruper. Inafa skapafa debala tukiewawer nume ko Uruguaya rolapir lize va Juana de Ibarbourou is Horacio Quiroga is Emilia Bertolé is Ana Weiss de Rossi is Amparo de Hieken is Ricardo Hicken is Berta Singerman kevlanir.

Bak tana lowarzesa rekola wali 1918 is 1920, Storni va baroya ezlafa karba sanegar : El dulce daño, 1918 ; Irremediablemente, 1919 ; is Languidez, 1920. Ban ezlak gu konako poradro zo gableyer nume va inafa targuca is kotgrupuca ke fitckiraf suterotik tupoayar. Azon va Ocre bak 1925 ezlak az Poemas de Amor bak 1926.

Wenya

Radimi malyopasikafa kiewatca ke Ocre, Storni gorayar da va sutera va piza di istfiyir. Taneaf sanegaf grabom, i El amo del mundo ba 10/03/1927 zo zirseyer voxe gan saneg zo emudejeyer. Wori Storni moe batya joya wan askiyir, kan Bambalinas is Dos farsas pirotécnicas bak 1931.

Storni va konaka rumeikafa neva dere suteyer : "Blanco...Negro...Blanco" is "Pedro y Pedrito" is "Jorge y su Conciencia" is "Un sueño en el camino" is "Los degolladores de estatatuas" is "El Dios de los pájaros". Tiyid buskafa wenyaxama dem danka is stute.

Diref suteks

Arti anyustdafa nona ke ezlasa sanegara, Storni bak 1934 va El mundo de siete pozos ( Tamava dem peroy lird ) sanegar. Bat ezlak az Mascarilla y trébol ban bak 1938 va pelava ke inafa ezlopafa bagalara tcalad.

Dere rupec

The Dinner Party ( Ayikyafa jorestura ), sposafa ayikyevafa yambaxa ke Judy Chicago (1979)    The Dinner Party
   Miwanikya (38-e deba)
 ( 3-e berk )
Alfonsina Storni

Alfonsina Storni

 Blira 1892-1938
 Ava Espanava
 Suterind Ezlopa
  Suterot 
Ezlak :
  • 1916 - La inquietud del rosal
  • 1916 - Por los niños que han muerto
  • 1916 - Canto a los niños
  • 1918 - El dulce daño
  • 1918 - Atlántida colaboracion
  • 1919 - Irremediablemente
  • 1919 - Una golondrina
  • 1920 - Languidez
  • 1925 - Ocre
  • 1926 - Poemas de amor
  • 1934 - Mundo de siete pozos
  • 1938 - Mascarilla y trébol

Wenya :

  • 1927 - El amo del mundo
  • 1932 - Dos farsas pirotécnicas
  Tuveli icde Suteroteem 
Iyeltak:Monumento a Alfonsina Storni.jpg
Atcom poras va Alfonsina Storni koe Mar del Plata