Anabar (kuksa)

Teliz mal Wikipedia.
Anabar
KIRA
Abrotce 939 km-
Kuksaxo   100 000 km²
Bost Anabar
Celack artexo : 498 m³/v-
SALT
Klita Anabar azekexa
Artexo Laptev Bira
Kovoapa   Malaya Kuonamka, Udya, Ebelyax, Mayat, Uele, Suolema, Konnies, Xarabil
TAWAVO
Patecta  Rossia

Anabar ( rossiavon Анабар, yakutavon Анаабыр ) tir bost valentrone Sibiria koe Saxa Sokasane ke Rossia.

Abrotcafa gu 939 km-, dem bostxo vas 100 000 km² is celack vas 500 m³/v-. Va Laptev Bira ke Arktika Welfa konir.

Tawavopa[betara | va krent betá]

Klita ke bost koe Anabar azekexa tigir ise artexo ton wenza va Anabar ceda konir. Bata wenza tir tela loronefa ke Rossia. Kaikeon ronon, artexo ke kot sibiraf bostap tir ton riska. Anabar bost tir lerdaksaton tapanaf mali tena ke lerdeaksat kali toza ke teveaksat.

Kovoa[betara | va krent betá]

Nelkafa kovoa ke Anabar bost tid :

Kotavaf yolt Rossiavaf yolt Abrotce
( km- )
Kuksaxo ( km² ) Domega
Malaya Kuonamka МалаяКуонамка 457 24 800 Ronefa
Udya Удя 455 15 700 Ronefa
Ebelyax Эбелях 108 1 890 Ronefa
Mayat Маят 115 1 030 Ronefa
Uele Уеле Ronefa
Suolema Суолема 262 7 440 Taltefa
Konnies Конниес 103 1 090 Taltefa
Xarabil Харабыл 139 3 180 Taltefa

Lavopa[betara | va krent betá]

Cel ke bost remi 46 tanda ( 1954-1999 ) koe Saskilax arte 200 km- male artexo zo dizveyer. Celack tiyir 453 m³/v- moe bostxo vas 78 000 km², ont vas 80 % de kotak, larde vatitefo Uele kuksaxo zo goloplekur.

Vuge ke cel wali toleaksat ik balemeaksat zo dizver. Bost koe bata rekola tir koton tapanaf. Cugaf aksateaf cel tir tel ke teveaksat, vas 3196 m³/v-. Cadimeafa arapeniwera tid granafa. Dizveyena wegona tiyir vas 5000 m³/v- bak teveaksat ke 1967.

AKSATEAF CELACK ( m³/v- )
Lavopafa recela : Saskilax
( Patavayana giva remi 46-da )

Monaxo kene Anabar[betara | va krent betá]

Bost va gola disa va nustapafa lidawicka koonir numen sanelia ke bostxo tir axapafa. Anton Saslikax monaxo ( mon 2300 ir- ) arte 200 km- male artexo is Yuryung Xaya ( mon 1000 ir- ) va miwara riwed.

Skapa[betara | va krent betá]

Anabar bostxo va konaki lozolonafi duzafi vruni ke tamava dir. Bat rob tir tan ziliduksap ke gola.

Afigasuteks[betara | va krent betá]

Dere rupel[betara | va krent betá]

Vexala dem voapa ke Rossia

Bost ke Rossia
AlazeyaAmurAnabarAnadirDniproDonIndigirkaKamtcatkaKolimaKubanLenaMezenNadimNarvaNemunasNevaObOlenyokOnegaOxotaPenjinaPetcoraPurPyasinaSevernaya DvinaTaymirTazTerekUdaUralVolgaXatangaYana Yenisey