Aller au contenu

Kudjotya ke Willendorf

Teliz mal Wikipedia.
Dimplekura va 11 saneaksat 2023 à 00:02 gan InternetArchiveBot (prilara | webekseem) (Rescuing 1 sources and tagging 0 as dead.) #IABot (v2.0.9.5)
(amid-) ← Daref siatos | Wira va noelaf siatos (amid-) | Diref siatos → (amid-)

Kudjotya ke Willendorf tir kalkafa kudjama ke Jotaf Lekeraporugal is Gravette Sare, re viden koe tcilaxe ke Wien koe Ostera.

Pimtara[betara | va krent betá]

Kudjama tir kum kalka isen inafe ontine tir vas 11 cm-. Va ranyesa pwertapafa lebafa ayikya volar, i va ayikya ton meem moe moueem. Taka gedelon gretcayana xowar ise nutir kotron besayana gu yon nokeyen tronk. Dotolmilafa vexa zo tarkar.

Xim ke kerafa lyova jupad da trakut da kudjama kerakoron xanton zo lingeyer. Afriskuca ke tezanuca va tamavafa sposuca puon al krister.

Rawopafa orka[betara | va krent betá]

Gan Josef Szombathy do Josef Bayer dunolopik bak 1908 koe debak ke savsafe norkiaxe koe Aggsbach zo kosmayar, i koe monaxo ke Willendorf wida arte 24 km- male Krems an der Donau koe ronefa Ostera. Badopa pilkomodayana bak suxara noveyer da kudjama gu Gravette Sare zo yofter is gu mon 25 000 AR tanda zo evlar.

Bata kudjama tir tana lekeraporugalafa kudjotya nume tir tcistapafa is penaykirapafa. Mana kolma dere adalasa va Kudjotya ke Lespugue kum wula, gu leca ke nazbukuca loviele zo remgruped. Ar kudjot, dere wulaf, vox anton ware dis va taka, nutir radeaca nope intafa gedeluca : i Kudjotya ke Brassempouy kosmayana koe Landes utca ke Franca.

Bak 1988, ara kudjotya yoltayana gu Kudjotya ke Galgenberg evlon gu 30 000 AR tanda tice Krems zo kosmayar.

Remgrupera is lecuca[betara | va krent betá]

Lentufa wira
Vakrilafa wira

Remgrupera tir zvakafa. Amidafa sugdala zo drageyed, kota esafa gu opafa weslara [1] [2]  :

  • gadafa lorikya ;
  • gadikyafi roti : susik va ebava is vreda is teyxo (« teysusik ») ;
  • volara va « lekeraporugalafa ayikyafa rietava ».

Dere rupec[betara | va krent betá]

Vuestexa[betara | va krent betá]

  1. La Vénus de Willendorf dene www.willendorf.info
  2. Les mystères de Vénus, Le nouvel Observateur, 06/03/2003.
Kudjotya ke Willendorf
KOSMARA
Kosmaxo Aggsbach, Willendorf
Ostera  
Maneka 48°17′ L-, 15°24′ R-
EVLARA
Sare Gravette Sare
Evla 25 000 AR tanda
KIRA
Gije 11 cm-


  Tuveli icde Izvopa 
  Tuveli icde Yamba